समाचार

उपत्यकामा यस वर्षकौ चिसो, हिमालमा हिउँ पर्न थाल्यो

काठमाडौं । नेपालमा मौसम चिसिने क्रम जारी रहेको छ । मौसमविद्हरुका अनुसार शुक्रबार बिहान काठमाडौं उपत्यकामा यस वर्षकै सबैभन्दा कम तापक्रम मापन भएको दिन बनेको छ ।

उता, हुम्लालगायत हिमाली क्षेत्रमा हिमपात शुरु भएको छ । शुक्रबार बिहान उपत्यकाको न्युनतम तापक्रम सात डिग्री सेल्सियस कायम भएको छ ।

बिहीबार न्युनतम तापक्रम ७ दशमलव ८ डिग्री सेल्सियस रहेको थियो । देशको पश्चिमी भेगको मौसममा केही दिनदेखि असर देखिएको पश्चिमी वायुको प्रभाव शुक्रबार बेलुकीदेखि कमजोर हुँदै जाने मौसम पूर्वानुमान महाशाखाले उल्लेख गरेको छ ।

दिउँसोपख पश्चिम पहाडका एक÷दुई स्थानमा हल्का पानी पर्ने र पश्चिमी भेगका उच्च पहाडी र हिमाली भेगमा हिमपातको सम्भावना रहेको महाशाखाले उल्लेख गरेको छ ।