काठमाडौं । १३ औं दक्षिण एसियाली खेलकुद प्रतियोगिता (साग)मा नेपालको राष्ट्रिय झण्डा भारतोलन खेलाडी कमलबहादुर अधिकारीले बोक्ने निश्चित भएको छ ।

यसअघि क्रिकेट कप्तान पारस खड्काको नाम पहिलो नम्बरका सिफारिस भएको थिया । कमलको नाम भने वैकल्पिक खेलाडीका रुपमा थियो ।

नेपाल ओलम्पिक कमिटीले अन्तराष्ट्रिय अनुभव, पदक र ओलम्पिक सहभागिताका आधारमा कमलले झण्डा बोक्ने निर्ण गरेको हो ।

सागको औपचारिक उद्घाटन आइतबार हुँदैछ । दशरथ रंगशालामा राष्ट्रपति विद्यादेवी भण्डारीले सागको औपचारिक उद्घाटन गर्नेछिन् ।

उद्घाटनलाई भब्य तथा ऐतिहासिक बनाउने तयारीमा नेपाल रहेको छ । साग २४ मंसिरमा सकिने भएको छ ।