26-Feb-2020 | १४ फाल्गुन २०७६, बुधबार

वडा अध्यक्षको चुनावी नतिजा, तराईमा कांग्रेसको पुनरागमन, पहाडमा नेकपा बलियो

१५ मंसिर २०७६, आईतवार ०   बिचार / प्रतिक्रिया


काठमाडौं । शनिबार सम्पन्न उपनिर्वाचनअन्तर्गत अधिकांश वडाअध्यक्षको नतिजा सार्वजनिक भइसकेको छ । कुल ४३ वडाध्यक्षका लागि निर्वाचन भएको छ ।

यस पटकको नतिजामा कांग्रेसले तराई र भित्रि मषेधका जिल्लामा रामो भोट सुधार गरेको छ । चितवन र अर्घाखाँचीमा यस अघि हारेका वडामा समेत कांग्रेसले पुनरागमन गर्न सफल भएको छ ।

तराईमा राजपा कमजोर बन्दा कांग्रेस र बाबुराम भट्टराई तथा उपेन्द्र यादवको पार्टी समाजवादी बलियो देखिएको संकेत उपनिर्वाचनले देखिएको छ ।

दाङका वडा जहाँ साविकमा केकपाले जितेको थियो, ती वडासमेत कांग्रेसले खोस्न सफल भएको छ । अर्घाखाँचीको मालारानीमा समेत कांग्रेसले साविक नेकपाले जितेको स्थानमा जीत हात पारेको छ ।

भोजपुरमा वडा कांग्रेसले गुमाएको छ । बैतडीको सुनर्या गाउँपालिका वडा नं १मा नेकपा कांग्रेस विजयी भयो । कांग्रेसका गजेन्द्रबहादुर चन्दले २१९ मत पाउँदा नेकपाका धनबहादुर चन्दले २१५ मत पाए । यहाँ यसअघि पनि कांग्रेसले नै जितेको थियो ।

सर्लाहीको हरिपूर्वा नगरपालिका वडा नं १ मा समाजवादी पार्टीका श्यामबाबु राय ३४७ मतसहित विजयी भए । राजपाका रामविश्वास रायले ३२८ मत ल्याए । यहाँ साविकमा नेकपाले जितेको थियो ।

दाङको घोराही नगरपालिका वडा नं १६मा कांग्रेस ७६५ मतसहित विजयी भएको छ । नेकपाले ३७८ मात्र मत पायो । यो यसअघि नेकपाले जितेको क्षेत्र हो ।

अर्घाखाँचीको मालारानी गाउँपालिका वडा नं ३मा कांग्रेसका शोभाकर खनाल १०५९ मतसहित विजयी भए । यहाँ नेकपाका यामलाल खनालले १०५३ मत पाए । यहा यसअघि नेकपाले जितेको थियो ।

चितवनको खैरहनी नगरपालिका वडा नं ४ मा कांग्रेसका देवबहादुर बस्नेत ११३८ मतसहित विजयी भए । नेकपाका वेदबहादुर अधिकारीले ९८६ मत पाए । यहाँ यसअघिको चुनाव पनि कांग्रेसले नै जितेको थियो ।

चितवनकै खैरहनी नगरपालिका वडा नं ५ मा कांग्रेसकी प्रतिमा बस्नेत कार्की ८४२ मतसहित विजयी भइन् । नेकपाका पुननारायण प्रधानले ७५६ मत पाए । यहाँ साविकमा नेकपाले जितेको थियो ।

धुलिखेल नगरपालिका वडा नं २ मा नेकपाका देव कोइराला ८६७ मतसहितविजयी भए । कांग्रेसका दणबहाुदर खत्रीले ५८२ मत पाए । यसअघिको पनि चुनाव यहाँ नेकपाले नै जितेको थियो ।

गुल्मीको रुरु गाउँपालिका वडा नं ६ मा नेकपाका गिरीप्रसाद सिँजाली ८०२ मतसहित विजयी भए । यसअघिको चुनाव पनि यहाँ नेकपाले नै जितेको थियो ।

संखुवासभाको खाँदबारी नगरपालिका वडा नं ३ मा नेकपाका भरतकुमार घिमिरे ७९६ मतसहित विजयी भए । कांग्रेसका विक्रम गुरुङले ४६७ मत पाए । यो नेकपाले नै जितेको ठाउँ हो ।

काठमाडौंको दक्षिणकाली नगरपालिका वडा नं ३ मा नेकपाका शिवभक्त वलामी ६१८ मतसहित विजयी भए । कांग्रेसका जयशंकर केसीले २७८ मत ल्याए । यो नेकपाले नै जितेको स्थान हो ।

पर्साको सखुवा प्रसौनी गाउँपालिका वडा नं ५ मा समाजवादीका रुपलाल यादव १०३१ मतसहित विजयी भए । कांग्रेसका अशेश्वर यादवले ८१९ मत ल्याए । यो यसअघि पनि समाजवादीले नै जितेको स्थान हो ।

रौतहट गढीमाई नगरपालिका वडा नं २ मा कांग्रेसका दीपेन श्रेष्ठ ७७१ मतसहित विजयी भए । नेकपाले ५९६ मत ल्यायो । साविकमा यहाँ राजपाले जितेको थियो ।

रोल्पाको थबाङ गाउँपालिका वडा नं १मा नेकपाका जनकबहादुर बूढामगर १७४ मतसहित विजयी भए । कांग्रेसका कमलबहादुर रोका मगरले २६ मत ल्याए । साविकमा यहाँ स्वतन्त्र उमेदरवारले जितेका थिए ।

सल्यानको कुमाखमालिका गाउँपालिका वडा नं ५ मा नेकपाका धर्मे बूढाथोकी ७९२ मतसहित विजयी भए । कांग्रेसले २५१ मत ल्यायो । यो नेकपाले नै जितेको स्थान हो ।

लमजुङको सुन्दर बजार नगरपालिका वडा नं २ मा नेकपाका नवीन कुमार श्रेष्ठ ९९३ मतसहित विजयी भए । कांग्रेसका प्रकाश सेढाईले ४८२ मत ल्याए । यो नेकपाले नै जितेको स्थान हो । अन्य स्थानमा भने मतगणना जारी रहेको छ ।

Loading...

फेसबुकबाट तपाईको प्रतिक्रिया

सम्बन्धित समाचार