काठमाडौं । नेपालमा जारी १३औं दक्षिण एसियाली खेलकुद (साग) अन्तर्गत आज एक दर्जन खेलमा प्रतिस्पर्धा हुँदैछ । तेक्वान्दोका निर्णयक खेल आज हुनेछन् ।
सातदोवाटो स्थित कभर्ड हलमा तेक्वान्दोमा १३ स्वर्ण पदकका लागि प्रतिस्पर्धा हुने खेलतालीका रहेको छ ।
आजै, कराँते, पुरुष फुटबल, खो खो, टेबलटेनिस, टेनिस, गल्फ र महिला तथा पुरुष भलिबलको कांस्य पदकका लागि पनि प्रतिस्पर्धा हुँदैछ ।
पोखरामा ब्याडमिन्टन, महिला क्रिकेट र ट्रायथलनको खेल तालीका राखिएको छ । दशरथ रंगशालामा पुरुष फुटबलमा बंगलादेश र भुटान तथा माल्दिभ्स र श्रीलंका भिड्ने भएका छन् ।
सागका खेलहरु बुधबारबाट शुरु भएपनि औपचारिक उद्घाटन भने आइतबार भएको हो । साग १० दिनसम्म चल्नेछ ।
