26-Feb-2020 | १४ फाल्गुन २०७६, बुधबार

बाग्लुङ जीप दुर्घटनाले तेस्र्याएको सडक सुरक्षाको प्रश्न

१७ मंसिर २०७६, मंगलवार ०   बिचार / प्रतिक्रिया


बाग्लुङ । सागको सफलतामा रमाइरहेको देश मंगलबार एकाबिहानै गुल्मी र बाग्लुङबाट आएको भयानक दूर्घटनाको खबरले शोकाकुल हुन पुग्यो ।

गुल्मीको इस्मा गाउँपालिकाबाट कुलपुजाको लागि बागलुङको निसिखोला जाँदै गरेको जीप दुर्घटनामा पर्दा घटनास्थलमै १४ जनाको निधन भयो ।

प्रहरीका अनुसार मृत्यु हुनेमा गुल्मी इस्मा गाउँपालिका ५ का रेशम थापा (जीप चालक), वसुन्धरा कार्की, माया थापा, सिता कार्की, भुमी कार्की, मुना कार्की, झवी कार्की, सुचना कार्की, अनुसा कार्की, महेन्द्र कार्की, मिना बस्नेत रहेका छन्।

साथै, नवलपरासी वर्दघाटकी मुमा कार्की, बाग्लुङ बडिगाडकी लक्ष्मी केसी, कञ्चनपुरका धनबहादुर कार्कीको समेत सनाखत भएको छ।

दूर्घटनामा गम्भीर घाइते भएका तीन जनालाई हेलिकोप्टरबाट काठमाडौं ल्याइएको छ । यस दूर्घटनाले नेपालको सडक सुरक्षाको दर्दनाक अवस्थालाई पुनः एक पटक उजागर गरेको छ ।

किनकी अघिल्लो साता अर्घाखाँचीमा भएको बस दूर्घटनामा परी १७ जनाले ज्यान गुमाउनु परेको थियो ।

हरेक दूर्घटनापिच्छे दुख मनाउ गर्दै पन्छिने सरकार र प्रशासन, दूर्घटनाबाट नचेत्ने गाडी व्यवसायी र चालकको लापरवाही र कमजोर पूर्वाधारको शिकार कहिलेसम्म सर्वसाधारण भइरहनु पर्ने हो भन्ने प्रश्न यस दूर्घटनाले फेरी उठाएको छ ।

Loading...

फेसबुकबाट तपाईको प्रतिक्रिया

सम्बन्धित समाचार