27-Sep-2020 | [nepali_today_date]

राष्ट्रपतिय होडबाट बाहिरिइन् सिनेटर ह्यारिस

December 4, 2019 ०   बिचार / प्रतिक्रिया


न्यूयोर्क

क्यालिफोर्नियाकी सिनेटर कमला ह्यारिस डेमोक्रेटिक राष्ट्रपतिय होडबाट बाहिरिएकी छिन् । डिसेम्बरको बहसका लागि छनौट भएकी ह्यारिसले मंगलबार ‘ड्रप आउट’को घोषणा गरेकी हुन ।

आउँदा डिसेम्बर १९ मा डेमोक्रेटिक राष्ट्रपतिय उम्मेद्वारहरुबीच पाचौँ बहस हुँदैछ । अहिलेसम्म ह्यारिस सहित जो बाइडेन, बर्नी स्यान्डर्स, पिट बुट्टिजज, एमी क्लोबुचार, एलिजावेथ वारेन र टोम स्टेयर डिसेम्बर बहसका लागि छनौट भएका छन् । बसहमा स्थान बनाउन डिसेम्बर १२ सम्मको म्याद दिइएको छ । सिनेटर कोरी बुकर बहसमा स्थान बनाउन संघर्षरत छन् । सिनेटर कोरी बुकर बहसमा स्थान बनाउन संघर्षरत छन् ।

बहसमा स्थान बनाउन डेमोक्रेटिक नेशनल कमिटीले मान्यता दिएका सर्भेक्षण मध्ये चार वटामा कम्तिम चार प्रतिशत या दुईवटामा कम्तिमा ६ प्रतिशत समर्थन पाउनु पर्ने हुन्छ । यस्तो सर्भेक्षण राष्ट्रिय स्तरमा या छिटो प्राइमरी निर्वाचन हुने राज्यमा गरिएको हुनु पर्ने पनि मापदण्ड रहेको छ । साथै कम्तिमा दुई लाख दाताबाट चन्दा पनि संकलन गरेको हुनुपर्छ ।

ह्यारिसले भने यी मापदण्ड पुरा गरे पनि डिसेम्बर बहसमा भाग लिइ रहनुको औचित्य नदेखेर राष्ट्रपतिय होड छोड्ने निधो गरिन् । उनलाई गत बर्ष उम्मेद्वारी घोषणा गर्दा सिएनएन लगायत ठूला मिडियाहरुले २०२० को राष्ट्रपयित होडमा टिकट पाउने सूचीमा एक नम्बरमै राखेका थिए । त्यस अनुरुप सुरुवातमा उनले उच्च समर्थन पनि पाएकी थिइन् । तर, विस्तारै उनको समर्थन ओरालो लाग्यो । एक समय १५ प्रतिशत माथिको समर्थनमा रहेकी ह्यारिस अहिले साढे तीन प्रतिशत हाराहारीमा छन् । दुई साता अघि मात्र उम्मेद्वारी घोषणा गरेका न्यूयोर्कका पूर्व मेयर माइकल ब्लुमवर्गले समेत उनलाई उछिनेका छ् । त्यसैले डिसेम्बर बहसले आफ्नो करियरमा कुनै फाइदा नपुग्ने निचोड सहित ह्यारिस होडबाट बाहिरिइन् ।

Loading...

फेसबुकबाट तपाईको प्रतिक्रिया

सम्बन्धित समाचार