काठमाडौ । ग्लोबल आइएमइ बैंकको सम्पूर्ण सेवा ३० घण्टाका लागि बन्द हुने भएको छ । जनता बैंकसँग गाभिएर एकिकृत कारोबार गर्न लागेकोको बैंकले सोही व्यवस्थापनका लागि कारोबार बन्द गरिएको बताएको छ ।
ग्लोबलका साथै जनता बैंकको सेवा समेत बन्द हुने भएको छ । बैंकले ग्राहकलाई विभिन्न माध्यमबाट यसको जानकारी गराइसकेका छन् ।
यी दुई बैंकको एकिकृत कारोबार २० मंसिरबाट शुरु हुँदैछ । सेवासमेत सोही दिनबाट खुल्ने भएको छ । जनता र ग्लोबल आइएमइको सेवा बुधबार साँझ ६ बजेबाट देखि बन्द हुने छ।
बिहीबार राति १२ बजेदेखि मात्र सेवा सूचारु हुने छ । दुबै बैंकको एटिएम, क्रेडिट कार्ड, मोबाइल बैंकिङ, इन्टरनेट बैंकिङदेखि शाखारहित बैंकिङ सेवासम्म बन्द हुने बैंकले जानकारी गराएका छन् ।
