विज्ञान प्रविधि

अब बुटवलमा पनि विद्युतीय बस

बुटवल । काठमाडौंपछि बुटवलमा समेत विद्यूतीय बस संचालन हुने भएको छ ।

काठमाडौंमा विद्युतीय संचलनको शुरुवात गरेको सुन्दर यातायात प्रालिले रुपन्देहीमा ६ वटा विद्युतीय बस सञ्चालनमा ल्याउने घोषणा गरेको हो । त्यसका लागि शाखा कार्यालय स्थापना गरिएको कम्पनीले उल्लेख गरेको छ ।

निकट भविश्यमा संचालनमा आउने गौतमबुद्ध अन्तराष्ट्रिय विमानस्थल र बुद्धको जन्मस्थल लुम्बिनीमा आउने पर्यटकलाई लक्षित गरी काठमाडौं बाहिर पहिलोपटक बुटवलमा सेवा विस्तार गर्न लागेको कम्पनीको भनाई छ ।

अन्य इन्धनको तुलनामा आरामदायी, वातावरणमैत्री र सस्तो पनि पर्ने भएकाले राम्रो विजनेश पाउने कम्पनीको विश्वास रहेको छ ।

बुटवलमा स्थापना भएको शाखा कार्यालयको प्रदेश नं ५ का माजिक विकास मन्त्री सुर्दशन वरालले उद्घाटन गरेका छन् ।

उनले बढ्दो ब्यापार घाटा कम गर्न र वातावरण संरक्षणका लागि पनि विद्युतीय सवारी साधनको प्रयोगलाई प्रवर्द्धन गर्ने प्रदेश सरकारको नीति रहेको उल्लेख गरे ।

नविकरणीय उर्जाको प्रयोगबाट चल्ने यस्ता सवारीलाई प्रोत्साहन गर्नुपर्ने उनको भनाई छ । सुन्दर यातायातले काठमाडौंमा भने चार वटा विद्युतीय बस सञ्चालन गरिरहेको छ । यो बस चक्रपथ परिश्रमा गर्छ ।