विराटनगर । सरकारले विराटनगरस्थित कोइराला निवासमा तैनाथ रहने सुरक्षाकर्मीलाई फिर्ता गरेको छ ।
पूर्वप्रधानमन्त्री तथा नेपाली कांग्रेसका पूर्वसभापति द्धय विश्वेश्वरप्रसाद कोइराला र गिरिजाप्रसाद कोइरालाको निवासमा लामो समयदेखि सुरक्षाकर्मी तैनाथ थिए ।
उनीहरुलाई सरकारले फिर्ता बोलाएको हो । गत विहिबार सबै सुरक्षाकर्मी फिर्ता भएका हुन् । उक्त घरमा सशस्त्र प्रहरीको करीव एक दर्जनको सुरक्षा दस्ताले सुरक्षा दिइरहेको थियो ।
यहाँ २०५४ साल देखि नै सुरक्षाकर्मी तैनाथ थिए । यो जग्गा अहिले शशांक कोइराला, सुजाता कोइराला र शेखर कोइरालाको नाममा रहेको छ । गृहमन्त्रालयले सुरक्षाकर्मीलाई फिर्ता आउन पत्र काटेपछि सुरक्षा दस्ता फिर्ता भएको बताइएको छ ।
