06-Apr-2020 | २४ चैत्र २०७६, सोमबार

प्रधानमन्त्रीको १० दिनको उपचार खर्च २ लाख ५५ हजार

१९ मंसिर २०७६, बिहीबार ०   बिचार / प्रतिक्रिया


काठमाडौं । प्रधानमन्त्री केपी शर्मा ओली बिहीबार अस्पतालबाट डिस्चार्ज भएका छन् । उनी अघिल्लो मंगलबार अस्पताल भर्ना भएका थिए ।

१० दिन अस्पतालमा बसेका उनको उपचारमा २ लाख ५५ हजार रुपैयाँ खर्च भएको अस्पतालले जानकारी दिएको छ । मनमोहन कार्डियोथोरासिक भास्कुलर एन्ड ट्रान्सप्लान्ट सेन्टरका अनुसार प्रधानमन्त्रीको शल्यक्रिया, आईसीयू बेड र औषधि उपचारमा उक्त रकम खर्च भएको हो ।

यस अस्पतालमा आईसीयू बेडको प्रतिदिन शुल्क मात्र १२ सय ५० रुपैयाँ रहेको छ । अस्पतालका अनुसार प्रधानमन्त्रीलाई सामान्य नागरिकलाई लिने सरह शुल्क लिइएको छ ।

प्रधानमन्त्रीको एपेण्डिसाइटिसको अप्रेसन गरिएको हो । उपचारमा संग्लग्न एक डाक्टरहरुका अनुसार यस अस्पतालको सेवा र उपचारबाट प्रधानमन्त्रीखे संतुष्टी व्यक्त गरेका थिए ।

बिहीबार प्रधानमन्त्रीले अस्पतालबाट डिस्चार्ज हुने बेला डाक्टरहरुलाई धन्यवाद दिएका थिए । आफू ठिक भएर फर्केको बताउँदै उनले अस्पतालमा उपचार गराउन पाउँदा आफूलार्ए खुसी लागेको प्रतिक्रिया दिएका थिए ।

Loading...

फेसबुकबाट तपाईको प्रतिक्रिया

सम्बन्धित समाचार