जनकपुर । नेपालमा जारी १३ औं दक्षिण एसियाली खेलकुदमा यस पटक संघीयताको समेत निकै राम्रो अभ्यास देखिएको छ ।

सरकारले विगतमा काठमाडौं केन्द्रित सागलाई मुलुकका महत्वपूर्ण तीन शहर र प्रदेशमा बिस्तार गरेको छ ।

काठमाडौंसहित पोखरा र जनकपुरमा सागका प्रतिस्पर्धा भइरहेका छन् । जनकपुरमा भने शुक्रबार मात्र सागको औपचारिक उद्घाटन भयो ।

शुक्रबार एक औपचारिक कार्यक्रममा प्रदेश नं २ का मुख्यमन्त्री लालबाबु राउतले दीप प्रज्वलन गरी १३ औं सागको शुभारम्भ गरे । उनले जनकपुरधाममा पुगेका सबै देशका खेलाडीलाई स्वागत गरेका थिए ।

कार्यक्रममा नेपाली सेना र जनकपुरधामस्थित मिथिला नाट्य कला परिरषद्ले सांस्कृतिक नृत्य देखाएको थियो । जनकपुरधाममा कूल २० स्वर्ण पदकका लागि कुस्तीका खेलहरु संचलन हुँदैछन् ।

कुस्तीमा कूल ५ देशले भाग लिएका छन् । कुस्तीमा नेपालसहित भारत, श्रीलंका, पाकिस्तान र बंगलादेशले २० स्वर्णका लागि विभिन्न इभन्ेटमा प्रतिस्पर्धा गर्दैछन् ।