11-Jul-2020 | २७ असार २०७७, शनिबार

अमेरिकाको फ्लोरिडामा अन्धाधुन्द गोली प्रहार, ४ को मृत्यु

२१ मंसिर २०७६, शनिबार ०   बिचार / प्रतिक्रिया


फ्लोरिडा । अमेरिकाको फ्लोरिडा राज्यस्थित पेन्सकोलामा अन्धाधुन्द गोली चल्दा ४ जनाको मृत्यु भएको छ । पेन्सकोलास्थित जलसेनाको आधारस्थल (नेवल बेस) मै गोलि चलेको हो ।

घटनामा शंकास्पद एक व्यक्तिसहित चारजनाको मृत्यु भएको अन्तरराष्ट्रिय संचारमाध्यमले उल्लेख गरेका छन् ।

स्थानीय समयअनुसार बिहान ६ बजेतिर भएको यो घटनापछि एफबिआई, एटिएफजस्ता सुरक्षा दस्ता परिचालन गरिएको छ ।

आधारस्थलस्थित कक्षाकोठा रहेको भवनमा गोलीप्रहार भएको हो । सुरक्षाकर्मी घट्नास्थल पुग्दा आक्रमणकारी र सुरक्षाकर्मीबीच दोहोरो फायर भएको थियो ।

एक जना शंकास्पद् व्यक्तिलाई सुरक्षाकर्मीले घाइते अवस्थामा भेटाएका थिए । पछि उनीसहित अन्य ४ जनालाई मृत घोषणा गरिएको छ । आक्रमणमा आठजना घाइते छन् । बाप्टिस्ट हस्पिटलमा उपचार भइरहेको छ ।

घाइतेहरु सुरक्षा अधिकारी नै रहेको बताईको छ । पेन्सकोला आधारस्थलमा १६,००० सैन्य र ७,४०० सिभिल कर्मचारी रहेका छन् ।

सीएनएनका अनुसार प्रहरी कारवाहीमा मारिएका आक्रमणकारी साउदी अरेवियाका नागरिक मोहम्मद अस्लामरानी रहेका छन् । घटनापछि अमेरिकी राष्ट्रपति डोनाल्ड ट्रम्पले साउदी राजासँग कुराकानीसमेत गरेको बताइएको छ ।

Loading...

फेसबुकबाट तपाईको प्रतिक्रिया

सम्बन्धित समाचार