रुपन्देही । नेपाली कांग्रेसका सभापति शेरबहादुर देउवाले चुनावमा अन्तर्घात गर्ने नेता तथा कार्यकर्तालाई कारवाही हुने बताएका छन् ।
पार्टीमा बसेर पार्टीकै मानिसलाई चुनाव हराउन भूमिका खेल्नेहरु माथि कारवाही गरिने चेतावनी उनले दिए ।
कांग्रेस रूपन्देही सिद्धार्थनगर समितिको दोस्रो नगर भेला उद्घाटन गर्न रुपन्देही पुगेका उनले आधिकारिक उम्मेदवारलाई सहयोग नगरी विद्रोही उम्मेदवार बनेका नेता र प्रस्तावक तथा समर्थकलाई कारबाही हुने उल्लेख गरे ।
उपनिर्वाचनको समीक्षा गर्न २६ मंसिरमा केन्द्रीय समिति बैठक राखेको उनले उल्लेख गरे । उक्त अवसरमा पाँच जना अपांगता भएका नागरिकलाई ह्वील चियर र ४४ जना गरिब, जेहेन्दार विद्यार्थीलाई साइकल हस्तान्तरण गरेका छन् ।
