फिचर

किन सधै किचलो निजगढ विमानस्थलमा ?

काठमाडौं । शनिबार अन्तर्राष्ट्रिय नागरिक उड्डयन दिवसको अवसर पारी आयोजित कार्यक्रममा संस्कृति, पर्यटन तथा नागरिक उड्डयन मन्त्री योगेश भट्टराई त्रिभुवन विमानस्थलमा पुगे । त्यसअवसरमा उनले निर्माणाधिन संरचनाको अवलोकनपछि एउटा ट्वीट गरे ।

उनले त्रिभुवन विमानस्थलमा संरचना बनिरहेका भएपनि यसले समस्या समाधानको स्थायी समाधान दिँदैन, त्यसको स्थायी समाधान निजगढ विमानस्थल नै हो । किनकी अहिले त्रिभुवन विमानस्थलमा अधिक हवाई चाप छ । यात्रुले सास्ती पाइरहेका छन् ।

लगत्तै आयोजित एक औपचारिक कार्यक्रममा मन्त्री भट्टराईले यो आयोजना राष्ट्रिय महत्वको भएको भन्दै अनुमती मिल्छ भने यसका लागि वहस गर्न सर्वोच्च अदालतमै जान आफू तयार रहेको उल्लेख गरे ।

किनकी दुई अगाडी सर्वोच्चले निजगढ विमानस्थलको सबै काम रोकेर छलफलमा आउन सरकार र रीट हाल्ने दुबैलाई अन्तरिमकालिन आदेश गरेको थियो ।

सर्वोच्चले आयोजना रोक्ने नियतले नभई थप स्पष्टताका लागि बोलाएको मन्त्री भट्टारईको भनाई थियो । राज्यका कुनै पनि निकाय यो आयोजनाको विरुद्धमा हुन नसक्ने समेत उनको विश्वास थियो ।

त्यसो त उनको आक्रोस हवाई विज्ञका नाममा केवल चर्चामात्र खोज्ने व्यक्तिहरुतर्फ पनि थियो ।

वातावरणका नाममा जति धेरै लेख, रचना, तर्क विकर्त बाहिर आएका छन्, हवाई संरचनाको आवश्यकता, विकास र अर्थतन्त्रमा यसले पार्ने प्रभावबारे नभएको बहसका सम्बन्धमा समेत उनको गुनासो थियो ।

निजगढमा २४ लाख रुख काटिने हौवा फिजाइएको छ । तर, अहिले प्रारम्भमा थोरै मात्र रुख काट्दासमेत विमानस्थल निर्माण भइसक्छ ।

त्यसकारण वातावरणका नाममा विकास विरोधी हौवा चिर्न समेत उनले हवाई विज्ञहरुलाई आग्रह गरे ।

वास्तवमा यो आयोजनामा सरकार र सरोकारवालाले आम जनतामा आवश्यकताको बोध गराउन नसकेकै कारण यति धेरै विवाद आएको पक्का हो ।

यसलाई चिर्न सरकारले अब राष्ट्रिय बहस नै चलाएर आयोजनालाई गति दिनु आवश्यक छ ।