डायस्पोरा

रेकर्डधारी खेलाडी उज्ज्वल ठकुरी सिनेटरद्वारा सम्मानित

भर्जिनिया

गिनिज बुक अफ वर्ल्ड रेकर्डको पाँच बिभिन्न स्पर्धामा आफ्नो नाम राख्ने नेपाली खेलाडी उज्ज्वल ठकुरी अमेरिकामा सम्मानित भएका छन् । अमेरिकाको भर्जिनिया राज्यका सिनेटर टिम केनले एक कार्यक्रममा ठकुरीलाई शनिवार डिसेम्बर ७ तारिखका दिन प्रमाणपत्र सहित सम्मान गरेको हो ।एनआरएनए अमेरिकाले गत निर्वाचनमा अमेरिका क्षेत्रबाट निर्वाचित पदाधिकारीहरुको सम्मानमा डिसी क्षेत्रमा आयोजित कार्यक्रममा खेलाडी उज्ज्वललाई उनको दक्षता, प्रतिभा र क्षमताको मुल्याङ्कन गरी सम्मान गरेको बताएका छन् । उनलाई प्रदान गरिएको सम्मानपत्र एनआरएन आईसिसीका तर्फबाट केन्दीय सचिव गौरी जोशीले बाचन गरी सुनाएका थिए । 

उक्त अवसरमा सम्मानित ठकुरीले धन्यबाद व्यक्त गर्दै भने; “यो सम्मानित पत्र पाउँदा म धेरै खुसी भएको छु । नेपाल जस्तो सानो देशको खेलाडी अमेरिकाको

सिनेटरबाट सम्मानित हुनु सिँगो नेपाल देशले सम्मान पाउनु बराबर हो । आजसम्म खेलाडी भएर दुख गरेको मुल्य पाएको छु ।

सायद म नै पहिलो खेलाडी हो जस्तो लाग्छ जसको उपलब्धिको महत्व अमेरिकी समुदायका सिनेटरले सुने र सम्मान पत्र पठाए “। 

उनले आफ्नो सफलतामा हमेसा साथ दिने जीवन संगिनी प्रियंका नेपालको ठुलो हात रहेको बताए । त्यसैगरी गुरु कृष्ण बहादुर बराल, गुरु प्रभु थापा, बानाको अध्यक्ष सुबोध पन्त र सम्पूर्ण बाना परिवारदेखि दमन बिक्रम शाह, रिचा शाह,  रबिन्द्र प्रताप सिंह तथा योगेन्द्र सिंह लगायतलाई विशेष धन्यबाद दिएका थिए ।