21-Sep-2020 | [nepali_today_date]

आज सागको समापन, आगामी साग पाकिस्तानमा

December 10, 2019 ०   बिचार / प्रतिक्रिया


काठमाडौं । अन्तिम समयमा भएको तीव्र तयारीका वावजुत नेपालले १३ औं दक्षिण एसियाली खेलकुदको सफल आयोजना गरेको छ ।

सागको आज अन्तिम ५ विभिन्न इभेन्टका फाइनल खेलसँगै भब्य समापन समारोह आयोजना हुँदैछ ।

दशरथ रंगशालामा हुने समापन समारोहमा सहभागी हुने दर्शकलाई फूटबलको फाइनलबाटै प्रवेश गराइएको छ ।

आज दोब्बर मूल्य तिरेर मात्र सर्वसाधारणले टिकट पाएका छन् । टिकट बिक्रि भने सोमबार नै सकिएको थियो । १५ मंसिरमा भब्य उद्घाटन भएको यो प्रतियोगिता नेपालको काठमाडौंसहित पोखरा र जनकपुरमा संचलन भयो ।

अघिल्ला सागहरुमा जस्तो यसपटक तयारीका सन्दर्भमा नेपालले त्यति धेरै आलोचना भोग्नु परेन् । अर्कोतर्फ स्वर्ण पदकका दृष्टिकोणबाट पनि नेपालको प्रदर्शन ऐतिहासिक बन्यो ।

४९ स्वर्णसहित अहिलेसम्म दोस्रो स्थानमा रहेको नेपालले मंगलबार अझ केही स्वर्ण थप्ने सम्भावना रहेको छ ।

भारतले १५९ स्वर्ण जित्दै पहिलो स्थान कब्जा गरेको छ । मंगलबार आयोजना हुने विशेष समारोहमा आगामी साग आयोजनाका लागि पाकिस्तानलाई जिम्मेवारी दिने तयारी छ ।

Loading...

फेसबुकबाट तपाईको प्रतिक्रिया

सम्बन्धित समाचार