25-Jan-2020 | ११ माघ २०७६, शनिबार

अमेरिकाको न्यु जर्सीमा गोलीकाण्ड, अफिसरसहित ६ जना मारिए

२५ मंसिर २०७६, बुधबार ०   बिचार / प्रतिक्रिया


न्यूजर्सी । अमेरिकाको न्यु जर्सीमा फेरी अन्धाधुन्द चलेको गोलीकाण्डमा ६ जना मारिएका छन् । मारिनेमा १ जना प्रहरी अधिकृतसमेत रहेको अमेरिकी संचारमाध्यमले उल्लेख गरेका छन् ।

न्यूयोर्क टाइम्सका अनुसार ६ जनाको निधन भएको छ भने अन्य दुई जना प्रहरी घाइते छन् । दुई जना सुटर र प्रहरीबीच गोली हानाहान भएको हो ।

जर्सी सीटीको कोशेर मार्केटमा भएको यो घण्टामा करीव घण्टा सुटर र प्रहरीबीच गोली हानहान भएको हो । प्रहरी अधिकृतहरुका अनुसार यसलाई आतंकवादी हमलाको रुपमा हेरिएको छ ।

रेसिडेन्टल एरिया नजिकै एक पसललाट गोलीबारी भएको थियो । त्यहाँ दुई जना हतियारधारी लुकेका थिए । प्रहरीका अनुसार मारिएका प्रहरी अधिकृत ३९ वर्षीय जोसेफ सिल्स रहेका छन् । उनी १३ वर्षदेखि जर्सी शहरको प्रहरी सेवामा कार्यरत थिए ।

जोसेफले बन्दुकधारीलाई पक्रने कोसिस गर्दा उनीमाथि गोली चलेको थियो ।

दुई जना व्यक्ति जोसेफको हत्यापछि ट्रकमा चढेर भागेको नजिकैको एक सुपरमार्केटमा छिरेर प्रहरीलाई फेरी गोली बर्साउन थालेका थिए ।

त्यसक्रममा तीन सर्वसाधारणको ज्यान गएको छ । त्यसपछि प्रहरीले थप सुरक्षा बल बोलाएर उनीहरुलाई घेरा हाल्यो र दुबै आक्रमणकारी मारिएका छन् ।

घटनाबारे थप अनुसन्धान भइरहेको प्रहरीले जनाएको छ ।
एजेन्सी

Loading...

फेसबुकबाट तपाईको प्रतिक्रिया

सम्बन्धित समाचार