चितवन । देशभरका ह्याचरी उद्योगबाट १० दिनसम्म चल्ला उत्पादन बन्द गरिने भएको छ । व्यवसायीले आजबाट देशभर कुखुराका चल्ला उत्पादन बन्द गर्ने निर्णय गरेका हुन ।
कुखुराको उचित मूल्य नपाएको गुनासो गर्दै व्यवसायी उक्त निर्णयमा पुगेका हुन् । चल्ला उत्पादन बन्द गरी लागत अनुसार मूल्य पाउनुपर्ने मागसहित पहल थाल्ने व्यवसायीको तयारी रहेको छ ।
आइतबारदेखि १० दिनसम्म कुखुराका नयाँ चल्ला उत्पादन हुने छैनन् । मेसिनमा राखिसकेको अण्डासमेत नष्ट गर्ने निर्णयमा व्यवसायी पुगेका हुन् ।
नेपाल ह्याचरी उद्योग संघले शनिबार पत्रकार सम्मेलन गरी उक्त जानकारी दिएको छ । उत्पादनको लागत बढी भएपनि कम मूल्यमा कुखुरा बेच्नु परेको व्यवसायीको गुनासो रहेको छ ।
१० दिनमा देशभरका ह्याचरीले ६० लाख चल्ला उत्पादन गर्ने गरेका थिए ।
