न्युयोर्क डिसेम्बर १३

गोरखाली समाज न्युयोर्कको आयोजनामा हास्यकवि शैलेन्द्र सिंखडा कमेडी नाइट सम्पन्न भएको छ । कार्यक्रम अमेरिका भ्रमणको क्रममा रहेका हास्यकवि सिंखडाको सम्मानमा न्यूयोर्क ज्याक्सन हाईट्सस्थित शेर्पा किदुङको हलमा शनिवार साँझ भएको हो ।

नेपालका चर्चित हास्यकवि सिंखडाले कार्क्रममा आफ्ना पुरानै कविताहरू वाचन गरेका थिए । युट्युवमा रहेका पुरानै कविताहरू वाचन गर्न थालेपछि दर्शकदीर्घाबाट हल्ला भएको थियो । हल्लालाई मथ्थर पार्न कविले “सुन्ने मन छैन भने हल्ला गरे हुन्छ” भन्नु परेको थियो । न्युयोर्कमा बसोवास गरिरहेकी कवि रश्मी भट्टले पनि छन्दमा व्यंग्यात्मक वाचन गरेकी थिइन् । त्यतिन्जेलसम्म हास्यकबि आफ्नो काम सिध्याएर बाहिरी सक्नु भएको थियो । डा. तारा निरौला,  कम्यूनिटी मेम्बर मोहन ज्ञवाली, डा. गोबिन्द कोइराला, रिजउड सोसाईटीका अध्यक्ष राजेश भट्ट, डा. मह भट्ट, बिमा सहयोगी हरिश हमाल, जनसम्पर्क समितिका सभापति आनन्द बिष्ट, समाजसेवी बिश्व विक्रम शाह, कम्यूनिटी सदस्य ज्ञानल थापा, अधिकारकर्मी नर्वदा क्षेत्री, रोटरी क्लव अफ क्वीन्सका प्रिसिडेन्स नवराज केसी, इलेक्टेड प्रिसिडेन्ड जनक भण्डारी, सन्चारकर्मी किरण मरहठ्ठा लगायतका ब्यक्तीहरूको उपस्थिति रहेको थियो ।

कार्यक्रमको अर्को चरणमा लोकगायक विमल डांगी र तीलक बमको सांगितिक प्रस्तुतिले एकछिन दर्शकलाई नचाएको थियो । 

गोर्खा समाजले हास्यकवि सिंखडालाई सम्मान गरेको थियो भने अन्तरराष्ट्रिय नेपाली साहित्य समाज अनेसास न्युयोर्क च्याप्टरको तर्फबाट कवि जानुका वस्ती ढकालले फूल र खादाले सम्मान गरेकी थिइन् ।

सोही समारोहमा न्युयोर्क सिटी काउन्सिलले गोरखा समाज अमेरिकाका सक्रिय सदस्य तथा अनेसास न्युयोर्क च्याप्टरकी कोषाध्यक्ष श्री जानुका वस्ती ढकाललाई र समाजका उपाध्यक्ष जे बी गुरूगंलाई प्रशंसा प्रमाण-पत्र प्रदान गरेको थियो ।