काठमाडौं । नेपाल एयरलाइन्सले आगामी मार्च पहिलो साताबाट जापानको नारिता उडान थाल्ने भएको छ ।
उता, चीनको ग्वांझाउमा भने मार्च दोस्रो साताबाट उडान थाल्ने निर्णय भएको नेपाल एयरलाइन्सका सहप्रवक्ता सुलेख मिश्रले जानकारी दिए ।
उनका अनुसार निगमले यी दुई गन्तब्य बिस्तारको योजना कार्यान्वयन गर्न जोडतोडले काम गरिरहेको छ ।
यी दुई गन्तब्य थपिएपछि नेपाल एयरलाइन्सको अन्तर्राष्ट्रिय गन्तब्य १० पुग्नेछ ।
निगमसँग भएका ४ वटै जहाजको पूर्ण उपयोग हुने र यसले भ्रमण वर्षलाई समेत सकारात्मक प्रभाव पार्ने नेपाल एयरलाइन्सले उल्लेख गरेको छ ।
निगमले लामो समयको संघर्षपछि चीनमा उडान अनुमति पाएको हो । जापानमा भने ओशाका उडान रद्द गरेर नारिता उड्न लागेको हो । नारितमा धेरै नेपाली यात्रु पाउने अपेक्षा निगमको रहेको छ ।
