जुम्ला । जुम्लामा जडिबुटी खोज्न हिँडेका १२ जना मानिस हराएका छन् । तिला गाउँपालिका–९, स्थित ढिपुगाउँका १२ जना मानिस जडिबुटी खोज्न शेरा फूलबारी पाटन गएका थिए ।

विगत ४ दिनेदेखि उनीहरु गाउँलेको सम्पर्कमा नआएको गाउँपालिकाले जनाएको छ । ढिपुगाउँबाट पाटन पुग्न नै पैदल यात्रामार्फत दुईदिन लाग्छ।

पाटनमा अत्यधिक हिउँ परेका कारण उनीहरु सुरक्षित स्थानमा बसेको या संकटमा फसेको बारे स्पष्ट हुन सकेको छैन ।

यस मौसममा पाटनमा ुसेतक चिनी, भुल्ते, धुपी र पदमचालजस्ता पाइन्छ । राम्रो भाउमा बिक्रि हुने भएकाले गाउँलेहरु जडिबुटी संकलनमा जाने गरेका थिए ।

बेपत्ता हुनेमा ढिपु गाउँका धनबहादुर बोहोरा, नरवीर बोहोरा, तुल बोहोरा, ननिलाल रावत, सूर्य रावत, छविराज बोहोरा, जङ्ग रावत, सुमबहादुर बोहोरा, मनमाया बोहोरा, रेश्मा बोहोरा, लाउरी बोहोरा र कल्पना बोहोरा रहेका छन्।

एक जनाको भने मृत्यु भइसकेको प्रहरीले पुष्टी गरेको छ । जुम्ला प्रहरीका अनुसार पाटनबाट फर्किएका २६ वर्षीय बीनबहादुर बोहोराको मृत्यु भएको हो ।

उनको चिसोले चिसोले कठ्याङ्ग्रिएर मृत्यु भएको हो । अन्य चार जना भने सकुसल घर फर्किएका छन् ।