डिसेम्बर १४, न्यूयोर्क

लायन्स क्लब ईन्टरनेशनल, क्वीन्स बुद्ध लायन्स क्लब डिस्ट्रिक्ट २० के १ ले स्कुल जाने ३ देखि १२ ग्रेड सम्मका बालबालिकालाई लक्षित गरी अन्तरक्रिया कार्यक्रम सम्पन्न गरेको छ । न्यूयोर्कको ज्याक्सन हाइट्समा शनिवार साँझ सम्पन्न कार्यक्रम शिक्षा क्षेत्रमा केन्द्रित रही बालबालिकालाई लक्षित गरी गरेको हो । सहभागीहरुले “Achieve Your Dreams & Aspirations” बिषयमा रही आआफ्नो भनाई राखेका थिए ।

कार्यक्रमको हिरो सुशोभित खड्काले आफु कसरी Prep. For prep. Scholarship program मा छानिएको भन्ने बारेमा प्रकाश  पारेका थियो । उनले सहभागीले सोधेको विभिन्न प्रश्नको जवाफ दिनुका साथै शैक्षिक क्षेत्रमा उनीहरूलाई आवश्यक पर्ने ज्ञान, सिप र सफलता प्राप्त गर्न आवश्यक कुराहरु बारे अनुभव शेयर गरेका थिए ।

कार्यक्रमको मुख्य उद्देश्य न्युयोर्कमा शैक्षिक क्षेत्रमा सफलता प्राप्त गर्दै गरेका विद्यार्थीहरूले आफ्नो सफलताको अनुभव र अभिभावकले कसरी आफ्ना बच्चाहरूले प्रगति गरिरहेका छन्, सो को बारेमा जानकारी आदान प्रदान गराई उत्प्रेरणा जगाउनु रहेको थियो ।

अभिभावक राम खड्का र राजन कर्मचार्यले बिद्यार्थीहरूको शैक्षिकस्तर उकास्ने कार्यमा यस अन्तरक्रियावाट थप हौसला प्राप्त गर्नेछन् भन्ने विश्वास लिएको बताए । साथै आफ्ना सन्तानलाई कसरी आफुले सहयोग गरिराखेको छ र आफ्नो भुमिकाको बारेमा जानकारी गराएका थिए ।

कार्यक्रममा लायन्स क्लब ईन्टरनेशनल डिस्ट्रिक्ट जोन चेयरमेन Mrs. Yalib Weng र रिजनल चेयरमेन Leo Wang को प्रमुख अतिथ्यता थियो ।

लायन्स क्लब अफ क्वीन्स काठमाडौंका चार्टर प्रेसिडेण्ट रुद्र पुनले कार्यक्रम हल उपलब्ध गराई सहयोग गरेको थियो भने कार्यक्रम संयोजक लायन बुद्ध पौडेलले स्वागत मन्तव्य दिनुभएको थियो । बिक्की पुलामीले संचालन गरेको कार्यक्रमको सभापतित्व लायन्स क्लब अफ क्वीन्स बुद्धका प्रेसिडेण्ट अर्जुन गौडेलले गर्नु भएको थियो । यसैगरी सहसंयोजक दिपकराज घिमिरेले कार्यक्रममा सहजिकरण गरेका थिए  । लायन्स क्लब अफ क्वीन् नेपालिजका प्रेसिडेण्ट पुरुषोत्तम पन्थीले क्लबको कार्यबारे जानकारी गराएका थिए भने क्लबका चार्टर प्रेसिडेण्ट कृष्ण आचार्यले क्लबले शुरूदेखि नै रचानात्मक कार्यक्रम गर्दै आएको र त्यसलाई अझ व्यापकरूपमा गर्दै जाने जानकारी गराएको थियो । 

कार्यक्रममा शुरूदेखि अन्त्यसम्म बस्ने धेरै अभिभावक र बिधार्थीहरूले फेरी फेरी पनि यस्तो कार्यक्रमहरु निरन्तर भई राख्नुपर्ने आवाज उठाएका थिए ।