समाचार

चक्रपथमा प्रहरीले तोक्यो स्पीड लिमिट

काठमाडौं । महानगरीय ट्राफिक प्रहरी महाशाखाले काठमाडौं उपत्यकास्थित विस्तारित चक्रपथमा अधिकतम गतिको सीमा तोकेको छ ।

यसैसाता सडक खण्डमा मोटरसाइकल स्कार्पीयो दूर्घटनामा गरी दुई पत्रकारले ज्यान गुमाएपछि सरकारले अधिकतम सीमा तोकेको हो ।

महाशाखाका अनुसार अब कलंकी कोटेश्वर सडक खण्डको मुख्य लेनमा ५० किलोमिटर प्रतिघण्टाको दूरीमा मात्र सवारी चलाउन पाइनेछ ।
सर्भिस लेनको अधिकतम सीमा भने २० किलोमिटर प्रतिघण्टा तोकिएको छ ।

नियम कार्यान्वयन गर्न प्रविधि प्रयोग हुने महाशाखाले जानकारी दिएको छ ।

यो सडक खण्डको बिस्तार टुत्रीपूर्ण रहेको भन्दै विज्ञले सुधार गर्न सुझाव दिइसकेका छन् । चीन सरकारको सहयोगमा यो सडक खण्ड ८ लेनमा बिस्तार गरिएको हो ।

गत माघमा मात्र सरकारलाई हस्तान्तण भएको यस सडक खण्डमा तिब गतिका कारण दर्जनौंले ज्यान गुमाइसकेका छन् ।

खासगरी शहरी डिजाइनभन्दा तिब्रगतिका सवारी चलाउन मिल्ने एक्सप्रेस वेका रुपमा यस सडकको बिकास गरिनु र अधिकतम सवारी चापका कारण दूर्घटना बढ्र्द गएको विज्ञहरुले बताउने गरेका छन् ।

त्यसमाथि ट्राफिक व्यवस्थापन पनि हातको इशारामा हुँदै आएको छ । जसले गर्दा चालकले अनियन्त्रित रुपमा सवारी कुदाउने गर्छन् ।