विश्व

च्याम्पियन्स लिग फाइनल १६ को ड्र सार्वजनिक, कुन क्लव को सँग भिड्ने ?

काठमाडौं । च्याम्पियन्स लिगअन्तर्गत अन्तिम १६ को ड्र सार्वजनिक भएको छ। सोमबार सार्वजनिक ड्र अनुसार स्पेनिस क्लव रियल म्याड्रिड र इंग्लिस च्याम्पियन म्यानचेस्टर सिटी अन्तिम १६ मै भिड्ने भएका छन् ।

त्यसकारण यी दुई क्लवमध्ये एकले अन्तिम १६ बाटै बिदा हुनुपर्ने निश्चित भएको छ । जर्मन क्लब बोरुसिया डर्टमुन्ड र फ्रेन्च क्लब पेरिस सेन्ट जर्मेनबीच समेत यसै ड्रमा भिडन्त हुनेछ ।

एटलान्टा र भ्यालेन्सिया तथा एट्लेटिको म्याड्रिड र साविक विजेता लिभरपुलसमेत अन्तिम १६ मा भिड्ने भएका छन् ।

चेल्सी र वायर्न म्युनिखसमेत यसै राउण्डमा भिड्ने भएकाले एउटा टोली अन्तिम १६ बाटै बाहिरिने पक्का भएको हो ।

लियोन र युभेन्ट्सबीच प्रतिस्पर्धा हुँदा टोटनह्याम र लेइपजिगबीच अन्तिम १६ को भिडन्त हुनेछ ।

नापोली र बार्सिलोनाबीच प्रतिस्पर्धा हुने गरी ड्र सार्वजनिक भएको हो । ३० मे २०२० मा च्याम्पियन्स लिगको फाइनल टर्कीमा आयोजना हुनेछ ।