फिचर

पोर्चुगलमा दुई साता भित्र तीन नेपालीको ज्यान गयो

पोर्चुगल । पोर्चुगलमा नेपालीको संख्या बढेसँगै त्यहा हुने घटनामा समेत वृद्धि भएको छ । पछिल्लो दुई साता भित्रै तीन जना नेपालीले पोर्चुगलमा ज्यान गुमाउनु परेको छ ।

पोखरा स्थायी घर भएका ४७ वर्षीय तोरणबहादुर थापाको पोर्चुगलस्थित अपार्टमेन्टमा निधन भएको छ। उनको हृदयघातका कारण निधन भएको बताइएको छ ।

परिवारसहित पोर्चुगलमा बस्दै आएको उनी मधुमेह र उक्त रक्तचापको बिरामी थिए । उता, नुवाकोटका ४१ वर्षीय नवीनकुमार पाठकको पनि हालै निधन भएको छ।

उनको निधनको कारण पनि हृदयघात नै भएको बताइएको छ । अघिल्लो मङ्गलबार पोखराका २९ वर्षीय एक युवकको आफ्नै कोठामा मृत्यु भएको अवस्थामा फेला परेका थिए ।

परिवारले उनको नाम भने सार्वजनिक गरेको छैन । अस्पतालमा शव परीक्षण गर्दा अधिक मदिरा सेवनका कारण उनको मृत्यु भएको उल्लेख छ ।

पछिल्लो समय पोर्चुगलमा विभिन्न माध्यमबाट पुग्ने नेपालीको संख्या बढ्दो छ ।

कानूनी या गैरकानूनी रुपबाट पनि यस मुलुकमा नेपाली अधिक पुग्न थालेका छन् । स्वाभाविक रुपमा संख्या बढी भएसँगै विभिन्न प्रकारका घटना सार्वजनिक भएका हनु् ।