भान्छामा स्वादको लागि प्रयोग गरिने खुर्सानीमा अचम्मको गुण पत्ता लागेको छ । बढ्दो हृदयघातको समाचार आईरहँदा नियमित रुपमा खुर्सानी खाने मानिसहरुलाई हृदयघातको सम्भावना निकै कम हुने गरेको नयाँ तथ्य सार्वजनिक भएको छ । हप्तामा चार पटक पिरो खुर्सानी खाने मानिसहरुको मृत्‍यु हृदयघातका कारण हुने सम्भावनामा ४० प्रतिशतले कमी हुने गरेको तथ्य सार्वजनिक भएको हो । त्यसरी खुर्सानी खाने बानी भएकाहरुको मृत्‍युदरमा समेत खुर्सानी नखानेहरु भन्दा २३ प्रतिशतले कमी हुने गरेको अनुसन्धानबाट पत्ता लागेको छ । ईटालीस्थित २२ हजार ८ सय ११ जना नागरिकमा ८ बर्ष लगाएर गरिएको परिक्षणबाट प्रकाशित उक्त तथ्य जर्नल अफ द अमेरिकी कलेज अफ कार्डियोलोजी मार्फत उक्त परिक्षणको तथ्य सार्वजनिक भएको हो । अनुसन्धान नियमित खुर्सानी खाने र नखाने मानिसहरुमा केन्द्रित थियो ।

ईटालीस्थित मारियालौरा बोनासियो नामकी एक सरुवा रोग बिज्ञले खुर्सानी सेवनका फाईदा बारे बोल्दै भनेकी छिन् “संसारमा कोही स्वास्थबर्धक खाना खान्छन् कोही स्वास्थबर्धक खाना खाँदैनन्, ति दुबै प्रकारका मानिसका लागि खुर्सानीको अत्यन्त अत्यन्त सकारात्मक असर छ” । अनुसन्धान ईटालीको पोजिलीस्थित डिपार्ट्मेन्ट् अफ ईपिडेमियोलोजी एन्ड प्रिभेन्सन अफ आई आर सि सि एस न्युरोमेडले गरेको हो ।

श्रोत : एजेन्सी