केकी अधिकारी नेपाली चलचित्र क्षेत्रमा चर्चित नाम हो । काठमाडौंको जोरपाटीमा सन् १९८८ मा जन्मिएकी अधिकारी नेपाली चलचित्र क्षेत्रमा सफल नायिकाका रुपमा स्थापित छन् । स्वर चलचित्रबाट अभिनय थालेकी अधिकारी पछिल्लो समय चालबाजको अभिनयमा व्यस्त छन् । यो चलचित्रको सुटिङ भारतको दार्जीलिङबाट सुरु भएको हो । यो चलचित्रमा केकीको मुख्य भूमिका छ ।
केकी छ माया छपक्कैबाट सन् २०१९ मा चर्चामा रहिन् । उनी व्यावसायिक मोडल हुँदै नेपाली चलचित्र क्षेत्रमा प्रवेश गरेकी हुन् । विभिन्न म्युजिक भिडियो, विज्ञापन र सानो पर्दाका सिरियलमा पनि उनलाई देख्न पाइन्छ । स्कुले जीवनमा रहँदा कक्षा ९ देखि उनी लभका बारेमा परिचित छन् । उनले आफूलाई कक्षा नौ पढ्दादेखि फेबु्रअरी १४ अर्थात् प्रणय दिवसका बारेमा राम्रो जानकारी भएको बताइन् ।
अहिलेसम्म दर्जनौँ चलचित्रमा अभियन गरेकी अधिकारीलाई सयौँ व्यक्तिले प्रेम प्रस्ताव राखिसकेका छन् । तर, उनले मन मिल्ने साथी नभेटेको प्रतिक्रिया दिएकी छन् ।