सिड्नी । अस्ट्रेलियामा बढ्दो तापक्रमका कारण जनजीवन प्रभावित भएको छ ।
औसतः उच्चतम तापक्रम ४०.९ डिग्री सेल्सियस कायम भएको मङ्गलवार यस मुलुकको इतिहासकै सबैभन्दा तातो दिन रहेको अन्तराष्ट्रिय संचारमाध्यमले लेखेका छन् ।
यसअघि २७ जनवरी २०१३ मा ४०.३ डिग्री सेल्सियस अधिकतम तापक्रम मापन भएको थियो । मंगलबार त्यसलाई पनि उछिन्दै तापक्रमले कीर्तिमान राखेको हो ।
खासगरी अस्ट्रलियामा पछिल्ला दिनमा जंगलमा ठूलो आगलागी भएको थियो । त्यसले तापक्रम वृद्धिमा सहयोग गरेको हो ।
सिड्नी लगायत शहरहरु उच्च प्रदुषणको चपेटामा समेत रहेका छन् ।
मौसमविदहरुले बेलैमा सचेत नहुने हो भने स्थिती अझ भयाभह हुने चेतावनी दिएका छन् । मङ्गलवार अस्ट्रेलियाका मध्यभागका केही एरियामा ४५ डिग्री सेल्सियससम्म तापक्रम पुगेको छ । ४०.९ भने औसतः हो ।
