30-Sep-2020 | [nepali_today_date]

६० लाख चल्ला नष्ट गरिदै, मासुको मूल्य बढाउने खेल ?

December 20, 2019 ०   बिचार / प्रतिक्रिया


काठमाडौं । नेपाल ह्याचरी उद्योग संघले आह्वान गरेपछि देशभरबाट ब्रोइलर र कोइलरका चल्ला नष्ट गर्ने क्रम जारी रहेको छ ।

चल्ला, चल्ला निस्कने क्रममा रहेको अण्डासमेत नष्ट गर्ने अभियान संघले चलाएको छ । बजारमा अधिक उत्पादन भएको र मूल्य नपाएको भन्दै संघले चलाएको यो अभियानले भने कुखुराको मासुको भाउ बढाउने निश्चित छ ।

किनकी नेपाल भर्खरै कुखुराको मासुमा आत्मनिर्भर भएको हो । भोली एकै पटक कुखुराको अभाव हुँदा त्यसले मूल्य बढाउने निश्चित छ ।

तर यस तर्फ सरकारी अधिकारीहरु भने मौन छन् । सं३ले कुखुराका करीव ६० लाख जिउँदा चल्ला नष्ट गर्ने अभियानमा छन् ।

संघमा आवद्ध व्यवसायीका चल्ला मार्न टोलीनै खटिएको छ । १० दिनसम्म थप चल्ला उत्पादन नगर्ने भन्दै संघले यस्ता अभियान चलाइरहेको छ ।

२८ मंसिरबाट संघको आह्वानमा देशभर चल्लाको उत्पादन बन्द भएको छ । भएका चल्ला र अण्डा पनि नष्ट गर्ने अभियान जारी छ ।

तर, सरकारलाई भने यसले कुनै छोएको छैन । व्यवसायीको यो गतिविधिप्रति सरकारी निकायले आधिकारिक धारण नै सार्वजनिक गरेको छैन । नेपाल ह्याचरी उद्योग संघ नेपालभर चल्ला उत्पादन गर्ने २८० उत्पादक आवद्ध रहेका छन् ।

Loading...

फेसबुकबाट तपाईको प्रतिक्रिया

सम्बन्धित समाचार