काठमाडौं । शुक्रबार साँझ प्रधानमन्त्री केपी शर्मा ओलीको आधिकारिक ट्वीटर ह्यान्डलबाट भारतीय कंग्रेस आइकी अध्यक्ष सोनिया गान्धीले नागरिकता कानुनविरूद्ध बोलेको भिडिओ रिट्वीट भयो ।

त्यसपछि यस विषयले अन्तराष्ट्रिय रुपमै हंगामा मच्चियो । किनकी भारतमा नागरिकता विधेयकको विरोधमा आन्दोलन जारी छ ।

उक्त भिडियो आन्दोलनको विरुद्धमा बोलिएको थियो । किनकी सत्तामा मोदी छने भने सोनिया विपक्षमा ।

छिमेकी मुलुक, त्यसमाथि हिन्दु राष्ट्रका रुपमा चिनिने नेपालका प्रधानमन्त्रीको आधिकारिक ट्वीटर ह्याण्डिलबाट सोनिया गान्धीको भिडियो रिट्वीट भएपछि त्यसले चर्चा पाउनु स्वाभाविक थियो ।

शनिबार पनि यसको चर्चा सेलाएन । किनकी शुक्रबार साँझ प्रधानमन्त्रीका प्रेस सल्लाहकार सूर्य थापाले पासवर्डको दूरुपयोग गर्न यस्तो भएको भन्दै स्पष्टिकरण सार्वजनिक गर्न भ्याएका थिए ।

भारतीय कंग्रेसको आधिकारिक ट्विटरमा राखिएको भिडिओलाई ‘शिभम विज’ नाम गरेको ट्वीटर ह्याण्डलले रिट्वीट गरेकोमा सोही भिडिओलाई प्रधानमन्त्री ओलीको ह्याण्डलबाट रिट्वीट गरिएको छ ।

जब यसले चर्चा पाउन थाल्यो, तत्काल उक्त ट्वीट डिलिट भयो । तर, मानिसहरुले स्कृनसाट राख्न भ्याइसकेका थिए । यस घटनाले नेपालका राज्य संचालकहरुको संवेदना तथा गम्भीर्यता पनि देखाउँछ ।

किनकी उनीहरु यस्ता घटनालाई सामान्य रुपमा लिन्छन् । तर, अन्तर्राष्ट्रिय क्षेत्रमा यसको ठूलो महत्व रहन्छ ।