फिचर
एनसेललाई कर तिर्न १५ दिनको ताकेता
Vishwanews.com
22 December, 20196.8k shares
काठमाडौं । सरकारले एनसेललाई तोकिएको कर तिर्न १५ दिन म्याद राखेर ताकेता गरेको छ ।
आइतबार ठूला करदाता कार्यालयले एनसेलका नाममा पत्र काटेको छ । १५ दिनभित्र कर चुक्ता गरेर फरफारक गर्न आग्रह गरेको छ ।
ठूला करदाता कार्यालयले मंसिर २२ मा २२ अर्ब ४४ करोड ५३ लाख रुपैयाँ कर निर्धारण गरेको थियो ।
अन्तिम कर निर्धारणवापतको कर तिर्न १५ दिनको समय राखेर पत्र काटिएको ठूला करदाता कार्यालयले जानकारी दिएको छ ।
तोकिएको अवधिमा पनि एनसेलले कर नतिरे आयकर ऐनअनुसार कारवाही हुने करदाता कार्यालयले जनाएको छ ।
