चितवन । २ सय २० यात्रु क्षमतामा यात्रु बोक्ने सक्ने क्रुजसिप (मिनीपानीजहाज) को नारायणी नदीमा परीक्षण गरिएको छ । परिक्षण सफल भएको राइनो इन्टरटेन्मेन्ट कम्पनीले जानकारी दिएको छ ।

आइतबार बेलुका २५ जना यात्रुसहित जहाजको सफल परीक्षण गरिएको हो । भरतपुरस्थित काभ्रेघाटमा रहेको पोर्टबाट नदीमा निकालेर जहाजको परीक्षण गरिएको थियो ।

त्यसका लागि भारतबाट प्राविधिक टोली नेपाल आएका थिए । जहाज बनाउने काम सकिएको र अब रङरोगन, टेबुल, कुर्सी राख्ने, बार र वाथरुमको काम बाँकी रहेको कम्पनीको भनाई छ ।

क्रुज सिप राष्ट्रपतिबाट उदघाटनको तयारी कम्पनीले गरेको छ । यो नेपालकै पहिलो पानीजहाज हुनेछ ।

यस परियोजनामा कम्पनीले १५ करोड लगानी गरेको छ । क्रुजसिप साढे दुई तलाको छ ।

क्रुजका बीस जना कर्मचारीसहित २ सय २० यात्रुले एकै पटक यात्रा गर्न सक्नेछन् ।