समाचार

सरकारको 'दुई तिहाई' उपाधी संकटमा

काठमाडौं । समाजवादी पार्टीले सरकारबाट बाहिरिने निर्णय लिएपछि नेपाल कम्युनिस्ट पार्टी (नेकपा) नेतृत्व सरकारको दुई तिहाई उपाधी गुम्ने खतरा बढेको छ ।

संसदमा स्पष्ट दुई तिहाई सांसदको समर्थनमा गठन भएको वर्तमान सरकार समाजवादी पार्टीले समर्थन फिता लिएमा भने उक्त उपाधीबाट खस्किने छ ।

किनकी नेकपाको मात्र सांसद संख्याले दुई तिहाई पुग्दैन । यद्दपी दुई दलको हैसियतमा सरकार भने सुरक्षित नै रहन्छ ।

तर, समाजवादी पार्टीले सरकारबाट बाहिरिने निर्णय लिएको भएपनि सरकारलाई दिएको समर्थन भने फिर्ता लिने निर्णय गरिसकेको भने छैन ।

यसले गर्दा अब संविधान संशोधनका विषयमा वर्तमान सरकारले अझ बढी फलामका च्यूरा चपाउनु पर्ने हुन्छ ।

किनकी प्रधानमन्त्री केपी शर्मा ओली हरेक विषयलाई सहमति भन्दा पनि पेलेरै जाने मुडमा देखिएका छन् । संसदमा २७५ संख्या रहेको छ ।

प्रतिनिधिसभामा दुईतिहाइ बहुमत पुग्न सरकारको पक्षमा १ सय ८३ जना सांसद हुनुपर्छ । नेकपासँग भने १ सय ७४ जना मात्र सांसद रहेका छन् । समाजवादी पार्टीमा भने १७ जना सांसद रहेका छन् ।

पार्टीले बुधबार सरकारको समर्थन जारी रहने वा हट्ने भन्ने विषयमा सार्वजनिक गर्न तयारी गरेको छ ।