काठमाडौं । प्रधानमन्त्री केपी शर्मा ओली र नेकपा अध्यक्ष प्रचण्डबीचको छलफल सकारात्मक रहेसँगै मंगलबार शीर्ष तीन नेताबीच छलफल हुने भएको छ ।

नेकपा एकिकरणका दौरान जिल्ला कमिटीका इन्चार्ज र सहइन्चार्जको नाम टुंगो लगाउन सोमबार दुई नेताबीच छलफल भएको थियो । मंगलबार माधव नेपालसहित बैठक बसेर नाम टुंग्याउने तयारी नेकपाको रहेको छ ।

सोमबार अध्यक्षद्वय केपी शर्मा ओली र प्रचण्डवीचको छलफलले ७७ जिल्लाका इञ्चार्ज र सह–इञ्चार्जको नाम प्रस्ताव गरिसकेको नेकपा स्रोतले जानकारी दिएको छ ।

जिल्ला इञ्चार्ज र सह–इञ्चार्जमा केन्द्रीय कमिटीका सदस्यबाटै जिम्मेवारी बाँड्ने तयारी छ । दुई अध्यक्षले तयार पारेको सूचीमाथि मंगलाबार माधवन नेपालसहित बसेर टुगो लगाइने नेकपाले जानकारी दिएको छ ।

मंगलबार बिहान तीन शीर्ष नेतावीच छलफल भइसकेपछि अपरान्ह नेकपाको सचिवालय बैठक बस्ने तयारी छ । सोही बैठकले ७७ जिल्लाका इञ्चार्ज र सहइञ्चार्जहरुको नाम अनुमोदन गर्ने कार्यक्रम छ ।