रोचक खवर

फूलचोकीमा रुट छाडेर हिँड्दा बाटो बिराएका यूवायूवती सकुशल फेला

ललितपुर । फूलचोकी घना जंगलले घेरिएको डाँडो हो । यहाँ हरेक दिन कैयौं मानिस घुमघाममा जाने गर्छन् । र खासगरी जाडो मौसममा केही मानिस हराउने पनि गर्छन् ।

फूलचोकीमा केही पहिले साइनिंगहरु थिएनन् । त्यसकारण मानिस हराउनु स्वाभाविक मानिन्थ्यो ।

तर, अहिले यहाँ व्यवस्थित हाइकिंग रुट बनाइएको छ । त्यही रुटलाई नछोडी यात्रा गर्दा कोही पनि हराउँदैन । तर, शनिबार ५ जना यूवायुवती फुलचोकीमा हराएको खबर ललितपुर प्रहरीमा आयो ।

प्रहरीले एक टोली नै खटाएर खोजी तिब्र पार्यो र ती यूवायुवतीलाई फेला पारेको छ । प्रहरीका अनुसार उनीहरु नियमित बाटो छाडेर हिडेका थिए । तर, उनीहरुले रुट फेला पार्न सकेनन् र हराए ।

त्यसपछि उनीहरुले फोन गरेर आफूहरु हराएको जानकारी प्रहरीलाई दिएका थिए ।

बाँडेगाउँ र जिल्ला प्रहरी कार्यालय ललितपुरबाट खटिएको प्रहरी टोलीले उनीहरुलाई उद्दार गरेको हो ।