काठमाडौं । नेपालमा सरकारी स्तरबाटै औषधिसम्बन्धी जानकारी मोवाइल एपमा उपलब्ध गराउने तयारी भएको छ । औषधी व्यवस्था विभागले मोवाइल एप बनाएको छ ।

विभिन्न प्रकारका औषधिका सम्बन्धमा विस्तृत जानकारी सहित मोबाइल एप्स तयार भएको छ ।

विभागले औषधिको सूचनामा आधारित मोबाइल एप्स तयार गरेको जानकारी गराएको छ ।

एप्स लगइन गरेपछि औषधिको प्रयोग, कतिपय औषधीबाट हुने नकारात्मक असर, मात्रा, नेपालमा उपलब्ध औषधीको विवरणजस्ता विषयबारे आम सर्वसाधारणले समेत जानकारी पाउने भएका छन् ।

विभिन्न प्रकारका संक्रमण, क्यान्सर, श्वासप्रश्वाससम्बन्धी समस्या भएका बेला के गर्ने, प्रजनन स्वास्थ्यसँग जोडिएका औषधिबारे समेत जानकारी राखेर विभागले एप बनाएको हो ।

एपमा चिकित्सकले बढी मात्रामा सिफारिस गर्ने विभिन्न जेनेरिकका ६ सय बढी प्रकृतिका औषधिको विवरण समावेश गरिएको छ ।

नेपालमा औषधिको प्रयोग र किनमेल नजान्दा उपभोक्ता बढी ठगिने गरेका छने । एपको प्रयोगबाट उपभोक्तामा समेत सचेतना बढ्ने अपेक्षा गरिएको छ ।