स्वास्थ्य

न्युयोर्कस्थित एक धार्मिक पर्वमा ५ जुईस माथि खुँडा प्रहार

न्युयोर्क

न्युयोर्क राज्यस्थित एक शहरमा हनुक्का पर्व मनाईरहेका जुईसहरु माथि सांघातिक आक्रमण हुँदा ५ जना घाईते भएका छन् ।अन्य राज्यहरुका तुलनामा धेरै भाषा, बर्ण जाती र धर्मलाई प्रतिनिधित्व गर्ने न्युयोर्क राज्यस्थित रकल्यान्ड काउन्टीको एक घरमा हनुक्का पर्व मनाई रहेको समयमा शनिबार राती एक अज्ञात ब्यक्ती प्रबेस गरी खुँडा प्रहार गरेको हो । घटनामा दुई जनाको अवस्था चिन्ताजनक भएको र घाईतेहरुको हाल अस्पातलमा उपचार भई रहेको प्रहरीले जनाएको छ । घटनाका प्रत्यक्षदर्शी अरोन खोन नामका व्यक्तीले समाचार संस्थाहरुलाई जानकारी दिंदै भनेको छ; “हनुक्का पर्वको सातौं रात मनाई रहेका १०० जनाको भिडमा आक्रमणकारी प्रबेश गरी “ब्रुम स्टिक” जस्तो लामो देखिने चक्कु झिकेर अकस्मात हान्न थाल्यो । हनुक्काको अन्तिम रात मैनबत्ती बाल्ने तयारी हुँदै गर्दा आक्रमण भएको हो” । आक्रमणपछि आक्रमणकारी भागेर सेनेगाग भित्र प्रबेश गर्न खोजेका थिए तर कसैले सेनेगागको ढोका बन्द गरिदिए पछी आक्रमणकारी सेनेगाग पस्न नपाएको पनि हनुक्कामा सहभागी खोनले बताएका छन् ।
घटनास्थल रकल्यान्ड काउन्टी न्युयोर्क शहरबाट ३० माईल्स उत्तरमा पर्दछ । यो काउन्टीको कुल जनसंख्या मध्ये ३० प्रतिशत जनसंख्या कट्टर जुईसहरुको बसोबास रहेको छ । अमेरिकामा पछिल्लो समय जात ,धर्म ,बर्णको घृणा अपराधमा ब्यापक बृद्धि हुँदै गएको छ । केही हप्ता अगाडि जुईस लक्षित आक्रमणमा न्युयोर्कसँगैको राज्य न्युजर्सीमा प्रहरी अधिकारी ,आक्रमणकारी सहित ५ जनाको मृत्‍यु भएको थियो भने न्युयोर्कमा मात्र गत हप्ता यस्ता घटना ८ ठाँउमा घटेका छन् । घृणा अपराधमा बृद्धि हुँदै गएको भन्दै “गार्जियन एन्जल” नाकम प्राइभेट निसस्त्र समुहले गस्ती गर्दै सुरक्षा दिने बताएको छ । यो समुहले न्युयोर्क शहर भित्रका बाक्लो जुईस बस्ती भएका ब्रुकलिन क्राउन हाईट्स ,बोरो पार्क ,विलियम्स बर्ग क्षेत्रमा सुरक्षा गस्ती खटाउने बताएको छ ।

तस्बिर श्रोत : न्युयोर्क टाईम्स