फिचर

भ्रमण वर्ष उद्घाटनको तयारी तिब्र, राष्ट्रपतिबाट शुभारम्भ हुने

काठमाडौं । नेपाल भ्रमण वर्षका शुभारम्भ भब्य बनाउने तयारीमा सरकार जुटेको छ । यसका लागि सबै तयारी पुरा भएको भ्रमण वर्ष सचिवालयले जनाएको छ ।

१ जनवरीमा हुने उद्घाटन राष्ट्रपतिबाट हुने भएको छ । उद्घाटनमा विभिन्न आधा दर्जन मुलुकले पर्यटन मन्त्री वा मन्त्रीस्तरीय टोली नेपाल पठाउने तयारी गरेका छन् ।

यसले विश्वभर नेपालको प्रचार गर्न सहयोग पुग्ने सरकारको विश्वास छ । यस दिन ३ बजेबाट औपचारिक कार्यक्रम शुरु हुनेछ ।

भ्रमण वर्षको औपचारिक भाइवर स्टीकर सार्वजनिक गरी संसारभरका पर्यटन मन्त्रीले शुभकामना सन्देश पठाउने गरी व्यवस्था मिलाइएको छ ।

नेपालमा १ जनवरीमा हुने उद्घाटन पछि ७ जनवरीमा संसारभर यसको उद्घाटन हुनेछ ।

गैरआवासीय नेपाली, नेपाली कूटनीतिक नियोग र सरोकारवालाको सहभागितामा विदेशका भ्रमण वर्षको औपचारिक शुभारम्भ हुने छ ।

सरकारले वार्षिक २० लाख पर्यटक भित्राउने लक्ष्यसहित सन् २०२० लाई भ्रमण वर्ष घोषणा गरेको हो ।