काठमाडौं । परराष्ट्र मन्त्री प्रदीपकुमार ज्ञवालीले अमेरिकी सहयोग परियोजना मिलेनियम च्यालेन्ज कर्पोरेसन (एमसिसी) संसदबाट पारित हुने दावि गरेका छन् ।

एमसीसीका विषयमा सरकार स्पष्ट रहेको भन्दै उनले कुनै सन्देह यो पास हुने उल्लेख गरे ।

परराष्ट्र मन्त्रालयले सोमबार आयोजना गरेको सन् २०१८ १९ को वार्षिक प्रतिवेदन सार्वजनिक गर्ने कार्यक्रममा उनले यस्तो जानकारी गराएका हुन् । एसीसीका विषयमा पछिल्लो समय पार्टी भित्रै विवाद बढेको छ ।

वरिष्ठ नेता भीम रावल यसको खुलेर विरोधमा उत्रिएका छन् । प्रधानमन्त्री र रावलबीच यस विषयलाई लिएर सार्वजनिक बहस नै शुरु भएको छ ।

मन्त्री ज्ञवालीले पार्टी स्थायी कमिटी बैठकमा यो विषय उठेको भएपनि पार्टीको निर्णय एमसिसीको पक्षमा हुने समेत उल्लेख गरे ।

त्यसपछि एमसीसी संसदबाट पास हुने उनको भनाई छ ।

एमसिसीका विषयमा आएका टिप्पणी भन्दा बढी सम्झौता महत्वपूर्ण रहेको उनको भनाई छ ।

परियोजना छनोट गर्दा क्रस बोर्डर ट्रान्समिसन लाइनसमेत परेका कारण भारतको स्वीकृति अनिवार्य रहेको उनको भनाई छ ।