26-Sep-2020 | [nepali_today_date]

मासु काट्ने मेसिनमा परी मलेसियामा एक नेपालीको ज्यान गयो

December 30, 2019 ०   बिचार / प्रतिक्रिया


काठमाडौं । मलेसियाको मलक्का राज्यमा मासु काट्ने मेसिनमा परी एक नेपाली कामदारको ज्यान गएको छ ।

मेसिनको मर्मत गरिरहेका बेला अचानक मेसिन चलेपछि उनी दूर्घटनामा परेका हुन । ४७ वर्षिय नेपाली कामदारको नाम भने सार्वजनिक गरिएको छैन ।

अन्तर्राष्ट्रिय समाचार एजेन्सी एएफसीले जनाएअनुसार उनको कम्मरमा गहिरो चोट लागेको थियो । मेसिनले काटिएपछि उनको घटनास्थलमै निधन भएको हो ।

उनको शव निकाल्न मात्रै करीव आधा घण्टा लागेको थियो । मलक्काको अग्नि नियन्त्रण विभागका जुल्खैरनी रम्लीका अनुसार मस्जिद तनाह नजिकै रहेको एक मासु प्रशोधन फेक्ट्रीमा काम गर्दागर्दै दूर्घटनामा परेका हुन् ।

घटना सोमबार भएको हो । उनी अन्य तीन जना कामदारसँगै काम गरिरहेको बेला दूर्घटना भएको छ ।

दूर्घटना कसरी भयो भन्ने सम्बन्धमा छानविन भइरहेको बताइएको छ । मलेसियामा करीव ३ लाख ६० हजार नेपाली कामदारले काम गरिरहेका छन् ।

Loading...

फेसबुकबाट तपाईको प्रतिक्रिया

सम्बन्धित समाचार