समाचार

दोलखाका तत्कालिन प्रजिअ रिजाल पक्राउ

काठमाडौं । दोलखाका तत्कालिन प्रमुख जिल्ला अधिकारी खगेन्द्रप्रसाद रिजाल पक्राउ परेका छन् । सेवाग्राहीसँग घुस लिएको आरोपमा उनी निलम्बनमा परेका थिए । उनी उपसचिव हुन ।

रिजाललाई अख्तियार दुरुपयोग अनुसन्धान आयोगले मंगलबार पक्राउ गरेको पुष्टी गरेको छ । रिजालले गरेको भ्रष्टाचार कसुरबारे अनुसन्धान गर्न उनलाई पक्राउ गरेको अख्तियारको भनाई छ ।

सेवाग्राहीसँग घुस प्रकरणमा मुछिएपछि गृहले उनलाई मन्त्रालय तानिएको थियो ।

अख्तियारले अनुसन्धान थालेपछि उनी निलम्बनमा परेका हुन । सार्वजनिक मुद्दा मिलाउने नाममा पीडकसँग बढी पैसा लिएको आरोप उनीमाथि छ ।