रमेश श्रेष्ठ

कानुन व्यवसायी ,न्युयोर्क

म युएस सिटिजन हुँ र मैले मेरो श्रीमान्का लागि भिसा पेटिसन फायल गरी मेरो श्रीमान्ले युएस एम्बेसी, काठमाडौंमा पनि अन्तरवार्ता दिनुभयो । अन्तरवार्तापछि एम्बेसीले एड्मिनिष्ट्रेटिभ प्रोसेसिङ भनेर ८ महिनासम्म केस होल्ड गरेर राख्यो । केही दिनअघि युएस एम्बेसीले मेरो श्रीमानलाई बोलाएर पासपोर्ट र ओरिजिनल डकुमेन्ट्सहरु फिर्ता दिएर पठाएछ । मैले एम्बेसीमा इन्क्वायरी गर्दा मेरो पेटिसन युएसएमा रिभोकेसनको रिकमेन्डेसनसहित युएससीआईएसमा पठाएको कुरा बतायो । म र मेरो श्रीमान् दुवै अचम्ममा परेका छौं । के भएको होला ? र, अब के उपाय गर्न सकिन्छ होला ? केही अन्य उपाय भए बताइदिनुहुन अनुरोध गर्दछु ।
– निर्मला, ब्रुकलिन

तपाईंको इमेडियट रिलेटिभ (आईआर) पेटिसन यहाँ युएससीआईएसमा एप्रुभ भए पनि त्यसका आधारमा तपाईंको श्रीमान्ले फायल गरेको भिसा एप्लिकेसनलाई युएस कन्सुलरले एप्रुभ गर्नुपर्ने हुन्छ । युएस एम्बेसीमा अन्तरवार्ताको स्टेजमा पुगेपछि युएस कन्सुलेट अफिसले मुख्यरुपमा तपाईंको विवाह जेन्यून हो कि होइन भन्ने तथ्यलाई पुनः परीक्षण गर्ने हुन्छ । यो कार्य मुख्यतया युएस एम्बेसीको फ्रड डिटेक्ेसन युनिटले गर्ने हुन्छ । यस प्रक्रियामा जाँदा भिसा एप्लिकेसन्स (डीएस–२३० र डीएस–२६०) लाई एड्मिनिष्टे«ेटिभ प्रोसेसिङमा राखिने गरिन्छ । इन्भेष्टिगेसनको सिलसिलामा तपाईंको श्रीमान्ले अन्तरवार्ताको समयमा दिएको टेस्टिमोनिज र अन्य फिल्ड इन्भेष्टिगेसनबाट प्राप्त भएको इन्फर्मेसनलाई कम्पेयर र विश्लेषण गरिन्छ । यदि प्राप्त भएको इन्फर्मेसन कन्फ्लििक्टिङ वा इनकन्सिस्टेन्ट देखिन आएमा पेटिसनर र बेनिफिसियरीको रिलेसनसिप जेन्यून नभएको प्रष्ट हुन आउँछ । यस्तो अवस्थामा युएस कन्सुलेट अफिसले भिसा एप्लिकेन्ट (बेनिफिसियरी) उक्त भिसा इस्युयान्सका लागि इनएलिजिबल भएको ठहर गर्नेछ । भिसाका लागि इनएलिजिबल भएको निर्णयपछि युएस कन्सुलेट अफिसले उक्त आई–१३० भिसा पेटिसन, रिभोकेसनको रिकमेन्डेसनका कारणहरुसहित युएससीआईएस अफिस अमेरिकामा पठाउनेछ । तपाईंको केसमा पनि कन्सुलेट अफिसले त्यस्ता आधारहरु प्राप्त गरेको हुन सक्छ, जसका कारणले नकारात्मक निर्णय लिन पुगेको छ ।
तपाईंको पेटिसन प्याकेट युएससीआईएसले पाएपछि तपाईंलाई पत्रद्वारा इन्टेन्ट टु रिभोक भन्ने पत्र आउनेछ । तपाईंले सो पत्र इस्यू भएको दिनदेखि ३० दिनभित्रमा त्यसको रिबुटल पेश गर्न सक्नुहुनेछ । यदि तपाईंको रिबुटलले युएस कन्सुलेटले उठाएका प्रश्नहरुलाई ओभरकम गर्न सकेमा युएससीआईएसले सो पेटिसनलाई रिफर्म गर्नेछ र युएस कन्सुलेटमा फिर्ता पठाइदिनेछ । र, युएस कन्सुलेटले भिसा इस्यू गर्न सक्नेछ । तर, यूएससीआईएसले तपाईंको जबाफ पाएर पनि सो पेटिसन रिभोक गर्ने निर्णय ग¥यो भने भिसा पेटिसन रिभोक हुनेछ ।