गायक रोशन गुरुङलाई मातृशोक परेको छ । गुरुङकी आमा बेममाया गुरुङको काठमाडौँ स्थित ओम अस्पतालमा स्थानीय समय अनुसार सोमबार अपरान्ह सवा तीन बजे देहावसान भएको हो । फोक्सोको क्यान्सरबाट पिडित गुरुङ बि. सं. १९९८ सालमा जन्मिएकी थिइन् ।
स्वर्गीय गुरुङका पाँच छोरा र चार छोरी रहेका छन् । नेपाली आधुनिक गायनका लोकप्रिय गायक रोशन उनका साइँला छोरा हुन् । रोशन सहित कान्छा छोरा नरेन्द्र न्यूह्यामसरको मेनेचेष्टरमा बसोबास गर्दै आएका छन् ।
इलामको माइमझुवामा जन्मिएकी गुरुङको इलामकै नयाँबजारमा विवाह भएको थियो । पछिल्लो समय गुरुङ श्रीमान् र छोराहरुसँग काठमाडौँको टोखामा बसोबास गर्दै आएकी थिइन् ।
