विश्व

कास्मिरमा मारिए गोर्खा सैनिक

काठमाडौं । काश्मिरको लाइन अफ कन्ट्रोल (एलओसी)मा भारत र पाकिस्तानी सेनाबीचको गोली हानाहानमा एक गोर्खा सैनिकको ज्यान गएको छ ।

भारतीय सञ्चारमाध्यमहरुका अनुसार मृत्यु हुनेमा गोरखास्थित रीप गाउँका अर्जुन थापामागर रहेका छन् ।

२५ वर्षिय नेपाली गोर्खा सैनिकको ज्यान गएको हो । आक्रमणमा दुई भारतीय सैनिक मारिएका थिए । भिडन्त बुधबार राति जम्मु र कास्मिरको राजोउरी जिल्लामा भएको हो ।

भारतीय सेनाका प्रवक्ता लेफ्टिनेन्ट कर्णेल देवेन्द्र आनन्दले दिएको जानकारी अनुसार एक जना नेपाली रहेको संचारमाध्यमले पुष्टी गरेका छन् ।

पाकिस्तानी सेना भारत छिर्ने प्रयासमा रहेका बेला उनीहरूबीच खारी थरेत जंगलमा गोलीबारी भएको उल्लेख गरिएको छ ।

जम्मु कास्मिर भारत र पाकिस्तानको लुछाचुडीका कारण लामो समयदेखि असान्त छ । भारतले यस भेगमा ठूलो संख्यामा गोर्खा सैनिक खटाएको छ ।