27-Jan-2020 | १३ माघ २०७६, सोमबार

मेटिने भए ट्रक साहित्य

१७ पुष २०७६, बिहीबार ०   बिचार / प्रतिक्रिया


काठमाडौं । अब सार्वजनिक तथा निजी कुनै पनि सवारी साधनमा फिल्मी डाइलग, कविता, मुक्तक, हाइकु तथा चुटकिला पढ्न नपाइने भएको छ ।

यातायात व्यवस्था विभागका अनुसार अब सबै सार्वजनिक यातायातले यसरी लेखिएका साहित्य हटाउनु पर्ने भएको छ ।

लामो तथा छोटो, कुनै पनि दूरीका यातायातका साधनले साहित्य राख्न पाउने छैनन् ।

रमाइला, रोचक तथा प्रेमिल साहित्यले चालकको ध्यान आकर्षित गर्ने र त्यसले एकाग्रता टुट्न गई दूर्घटनाको समेत जोखिम बढेपछि यस्तो निर्णय लिनु परेको विभागको भनाई रहेको छ ।

अब सवारी साधनमा यस्ता कविता वा स्लोगन लेख्न नपाइने र पुरानो गाडीमा लेखेको भए मेटाउनु पर्ने नियम विभागले कार्यान्वयन थालेको छ ।

विभागले बिहीबार यस सम्बन्धमा सूचना नै जारी गरेको थियो । विभागका अनुसार कुनै पनि सार्वजनिक सवारी साधनमा यस्तो स्लोगन, कोटेसन वा कविता राख्न पाइने छैन ।

अब सार्वजनिक सवारी साधानमा साहित्य वा कोटेसन भेटिए सवारी जाँचपास नै नहुने र कारवाही गरिने विभागले उल्लेख गरेको छ ।

Loading...

फेसबुकबाट तपाईको प्रतिक्रिया

सम्बन्धित समाचार