काठमाडौं । नेपाली कांग्रेसले पार्टीका प्रदेश, ५ संसदीय दलका उपनेता वीरेन्द्र कनोडियालाई उखु किसानको वक्यौता तिर्न निर्देशन दिएको छ।

बिहीबार केन्द्रीय कार्यसमिति बैठकले कनोडियालाई उखु किसानको भुक्तानी तत्काल गर्न निर्दशन दिएको हो ।

प्रवक्ता विश्वप्रकाश शर्माका अनुसार कनोडिया सञ्चालक रहेको मिलले समेत उखु किसानको भुक्तानी नदिएको समाचारबारे पार्टीको ध्यानाकर्षण भएको उल्लेख गरे ।

उनले वक्तौता यथासिघ्र भुक्तानी गराउन निर्देशन दिइएको समेत जानकारी दिए ।

त्यसो त कनोडिया स्वयम उद्योग मन्त्रालयमा उपस्थित भई वक्यौता तिर्ने प्रतिवद्धता व्यक्त गरिसकेका छन् । उनी महालक्ष्मी सुगर्सका सञ्चालक हुन्।

उनले उखु किसानको २१ करोड वक्यौता तिर्न बाँकी रहेको छ।

यसैबीच बैठकले आसन्न राष्ट्रियसभामा निर्वाचनमा समाजवादीसँग तालमेल गर्ने तयारी गरेको छ ।

त्यसका लागि नेताहरुसँग भेटघाट भइरहेको प्रवक्ता शर्माले जानकारी दिए । बिहीबार पनि पौडेल र सिटौला पक्षधर नेताभने बैठकमा सहभागी थिएनन् ।