काठमाडौं । पश्चिमी वायुको प्रभावले आएको मौसमको अदली बदली शनिबार समेत कायम रहने भएको छ । मौसम पूर्वानुमान महाशाखाका अनुसार आइतबार साँझबाट मात्र मौसम सफा हुने सम्भावना रहेको छ ।
शनिबार अधिकांश स्थानमा दिउँसो र साँझसम्म पानी पर्ने सम्भावना रहेको छ । पश्चिमी भेगका केही स्थानमा वर्षासँगै उच्च पहाडी र हिमाली क्षेत्रमा हिमपात हुने भएको छ ।
काठमाडौं उपत्यका अहिले केही खुलेको मौसम समेत दिनभर प्रतिकूल नै रहने छ । वर्षा र हिमपातले चिसो बढाएको छ ।
यसले हिमाली भेगका राजमार्ग र हवाई रुट अवरुद्ध भएका छन् । शुक्रबारयता हिमाली भेगका विमानस्थलमा उडान हुन सकेको छैन ।
जसले गर्दा जनजीवन नराम्रोसँग प्रभावित भएको छ ।
शुक्रबार काठमाडौंमा समेत जहाजको उडान उडान अवतरण प्रभावित भएको थियो । काठमाडौं आसपासका उच्च चुचुरोमा हिउ परेको थियो ।
