फिचर

नर्सिङ केयर गिभरमा जापानमा फेरी नेपालीलाई अवसर

काठमाडौं । जापानले नेपाली कामदारका लागि नेपालमा भाषा परीक्षा सञ्चालनको तयारी गरेको छ ।

पहिचो चरणमा परीक्षा गरिसकेको जापानले जनवरी र मार्चमा दुई चरणमा केयर गिभरका लागि भाषा परीक्षाको तयारी गरेको हो ।

जनवरीमा १ हजार र मार्चमा १ हजार ३ सय जनालाई भाषा परीक्षामा सहभागी गराउने तयारी जापानको रहेको छ ।

जापान फाउन्डेसनका अनुसार परीक्षामा सहभागी हुनेले अब आवेदन दिन सक्ने भएका छन् । जनवरीमा ७, ८, १४, १५, १६, २१, २२, २३, २८ र २९ तारिखमा परीक्षा सञ्चालनको तयारी छ ।

मार्चमा भने ३, ४, ५, ९, १०, ११, १२, १५, १६, १७, १८ र १९ तारिखमा परीक्षा हुने भएको हो ।

यसअघि जापानले कात्तिकमा भाषा परीक्षा लिएको थियो । ५६ जना नेपाली यस परीक्षामा उत्तीर्ण भएका थिए ।

यसपटक २ हजार ५ सय रुपैयाँ परीक्षा शुल्क तोकिएको छ । परीक्षामा सहभागी हुन जापानी भाषामा ए टू लेभल आवश्यक पर्ने बताइएको छ ।

पछिल्लो समय जापानमा सरकार आफैले कामदार लैजाने प्रक्रिया थालेको हो ।