सिड्नी । अष्ट्रेलियामा डडेलेले राष्ट्रिय प्रकोपको रुप लिएको छ । नियन्त्रणबाहिर गइसकेको आगलागी नियन्त्रणमा हजारौं सैनिक परिचालन हुने अष्ट्रेलियाली सरकारले जनाएको छ ।

प्रधानमन्त्री स्कट मोरिसनले शनिबार यस्तो जानकारी गराएका हुन । उनका अनुसार तीन हजारभन्दा बढी सैनिक आगलागी नियन्त्रणमा परिचालन गर्न लागिएको छ ।

धेरै सुरक्षाकर्मीलाई घटनास्थलमा परिचालन गर्ने निर्णय शनिबार नै भएको उनले उल्लेख गरेका छन् ।

धेरै हवाई जहाज र पानी जहाजमा सुरक्षाकर्मी तैनाथ हुनेछन् । अष्ट्रेलियाका विभिन्न भुभागमा एक महिना अगाडीबाटै अगालागी भइरहेको छ ।

विनासकारी डडेलोले लाखौं जंगली जनावर मरिसकेका छन् । लाखौं मानिसलाई समुन्द्री तटमा बोलाइएको छ ।

अहिले पनि करीव २ हजार सैनिक उद्दार र राहतमा खटिएका छन् । आगलानीका कारण अष्ट्रेलियाको तापमानले उच्च रेकर्ड राखिसकेको छ ।

आगलागीका कारण अहिलेसम्म कम्तीमा १८ जनाको ज्यान गइसकेको छ । २८ जना भन्दा बढी बेपत्ता छन् । भिक्टोरिया राज्य आगलागीबाट बढी प्रभवित छ ।