स्वास्थ्य

देशभरको मौसममा सुधार

काठमाडौं । आजबाट देशभर मौसममा सुधार आउने भएको छ । यद्दपी हुस्सुका कारण चिसो भने जारी रहने छ । उच्च हिमाली भेगमा जमेको हिमले चिसो बनाइरहने छ ।

वर्षा र हिमपात भने तत्कालका लागि रोकिने मौसम पूर्वानुमान महाशाखाले उल्लेख गरेको छ ।

महाशाखाका अनुसार आइतबारबाट मौमस बदली गराउने पश्चिमी न्यून चापीय प्रणाली कमजोर हुँदैछ ।

जसले गर्दा वर्षातःको सम्भावना छैन । उच्च हिमाली भेगमा अझै अलिअलि बादल भएकाले कतै छिटफुट हिमपातको सम्भावना रहेको छ ।

काठमाडौं उपत्यकाको मौसम आज सफा रहनेछ । तराई तथा पहाडी भेगमा समेत बिहान हुस्सु भने जारी रहने छ ।

तर, घाम लागिसकेपछि त्यसले पनि क्रमशः छाड्दै जान्छ । पछिल्लो तीन दिन यता देशभर पानी परेपछि चिसो ह्वात्तै बढेको छ ।